Related posts
|
Muqdisho, 16 November 2015: Wadatashiyada looga hadlayo hannaanka doorashada sannadka 2016-ka ayaa maanta ka bilowday guud ahaan dalka Soomaaliya. Wadatashiyada ayaa lagu qabanayaa magaalooyinka Muqdisho, Baydhabo, Kismaayo, Garowe iyo Cadaado, waxaana kulamadaasi midkiiba ka qeyb qaadan doona 150 qof oo gobolladaasi ka socda. Madaxweyne Xasan Sheekh Maxamuud ayaa soo dhoweeyay bilowga kulamadan wadatashiyada ah. โMaanta waa maalin qiimo badan u leh horumarka Soomaaliya ee la doonayo in waddanka looga hirgeliyo dimoqraadiyad. Maanta shacabka Soomaaliyeed dhammaantood: haweenka, dhalinyarada, ganacsatada, odayaasha iyo hoggaamiyeyaasha bulshada waxay isugu imanayaan inay ka wada tashadaan kana doodaan habka ugu wanaagsan ee Soomaaliya looga sameyn karo hannaan awoodda siyaasadda ee dalka si nabdoon la isugu wareejin lahaa bisha September ee sannadka 2016-kaโโ. Waxaa kale oo uu Madaxweynaha shacabka xusuusiyay masโuuliyadda ka saaran in hannaankan socda uu najaxo. โHawshan ma ahan mid sahlan. Waqti ayay qaadan doonta, waxayna u baahan tahay goโaan adag. Waxaa hannaankan uu noqon doonaa mid daah-furan oo daacadnimo ku saleysan. Boqolaalka qof ee labada maalmood ee soo socda dalka gudihiisa isugu imaanaya waxaa saaran waajibaad culus oo ay ku kala xulanayaan noocyada doorasho ee waddanka ku habboon, iyagoo isla markaana dhiiban doona fikirkooda ku aaddan nooca doorasho ee waddankeena ku habboon sannadka 2016-kaโโ, ayuu yiri Madaxweyne Xasan Sheekh Maxamuud. Natiijada ka soo baxda hannaanka wadatashiga ee maanta bilowday ayaa waxaa la horgeyn doonaa Madasha Wadatashiga Qaran bisha December 2015-ka. Dastuurka KMG ee dalka ayaa dhigaya in Dowladda Federaalka ee Soomaaliya iyo Baarlamanka Federaalka muddadooda afarta sanno ay ku eg tahay bilaha August iyo September ee sanandka 2016-ka. –DHAMMAADโ |
