Magaalada Boosaaso ee xarunta gobolka Bari ayaa waxaa maanta ka socda qaban qaabada ku aadan soo dhaweynta wafdiga madaxweynaha Jamhuuriyadda Soomaaliya mudane Xasan Sheekh Maxamuud, Ra’iisulwasaaraha dalka iyo mas’uuliyiin kale kuwaas oo ku wajahan xarunta gobolka Bari.
Garoonka diyaaradaha ee magaalada Bosaaso ayaa waxaa ku sugan mas’uuliyiin uu kamid yahay wasiirka xanaanada xoolaha dowladda Federaalka Soomaaliya, madaxweynaha maamulka Puntland iyo dadweyne aad u badan.
Madaxweynaha Soomaaliya Xasan Sheekh Maxamuud ayaa maanta Bosaaso ugu qeybgali doona xaflad lagu furi doono dib u habeynta lagu sameeyay garoonka diyaaradaha ee magaalada Bosaaso.
