Ku-simaha Madaxweynaha dalka ahna Guddoomiyaha Baarlamaanka Federaalka Mudane Maxamed Sheekh Cismaan Jawaari iyo Raโiisul wasaaraha Xukuumadda Soomaaliya Mudane Cumar Cabdirashiid Cali Sharmaโarke, Wasiirro iyo Xildhibaanno ayaa maanta ka qeyb galay kulan lagu soo bandhigayay daah furka qodobo ka mid ah dastuurka KMG ah ee dalka oo wax ka badal lagu sameeyay.
Kulanka oo lagu qabtay xarunta golaha shacabka ee magaalada Muqdisho ayaa waxaa kaloo ka qeyb galay guddoomiyeyaasha baarlamaanada maamul gobolyeedyada dalka iyo xubno ka tirsan ururrada Siyaasadeed ee dalka.
Related posts
Dib u eegstaan lagu sameeyey qayb ka mid ah dastuurka KMG ah ayaa waxaa ka soo shaqeyey gudiga madax banaan ee dib u eegista dastuurka iyo guddiga baarlamanaka u qabilsan Arrimaha dastuurka dalka oo ka shaqanaya Wasaaradda dowladda ugu xilsaaran arrimahaย ย Dastuurka.
Guddoomiyaha gobolka banaadir ahna duqa magalada Muqdisho Mudane Yuusuf Xuseen Jimcaale oo ka hadlay munaasbadda ayaa sheegay in uu aad ugu faraxsanyahay in caasimadda Soomaaliya lagu qabto xaflad ceynkan oo kale ah.
Xildhibaan Maryan Cariif Qaasim Guddoomiyaha Guddiga la socodka iyo hirgelinta dastuurka ee Barkamaanka Soomaaliya ayaa munasada ku soo bandhigtay qaybaha ay wax ka badalka ku sameyeen, iyadoo qodobada wax laga bedalay ay ka kala yihiin
Wasiirka Dastuurka Soomaaliya Mudane Xuseen Maxamuud Xuseen ayaa xusay in qodobada dastuurka ee aan lagu samayn dib u eegista ay yihiin kuwa u baahan wada tashi lala yeesho maamul goboleedyadda dalka, dhawanna ay bilaabi doonaan wada tashigaasi.
Raโiisul Wasaaraha xukumadda Soomaaliya Mudane Cumar Cabdirashiid Cali oo ka hadlay munasabadda ayaa cadeeyey in Xukuumadda Soomaaliya ay ahmiyad weyn siin doonto sidii dastuurka dalka loo gaarsiin lahaa in shacabka ay codkooda ku meel mariyaan si uu u noqdo dastuurka rasmiga ah ee Jamhuuriyadda Soomaaliya.
Guddoomiyaha barlamaanka ahna Kusimaha Madaxweynaha dalka Mudane Maxamed Sheekh Cismaan Jawaari oo ugu dambeyntii ka hadlay munaasabadda daafurka dastuurka dalka ayaa tilmaamay in maanta golaha shacabka Soomaaliyeed ay u tahay maalin weyn oo ay wada sugayeen.
Cutubyadaan lagu sameeyey dib u eegista dastuurka KMG ah ee dalka ayaa wax yaabaha ugu muhiimsan laga xusi karo ee wax laga badalay ka mid ah in lagu cadeeyey in magaalo madaxda dalka ay tahay Muqdisho, ayna noqonayso magaalo leh maamul u gaar ah, isla markaana aysan ku biiri karin maamul kale, magaca loogu yeeri karo maamul goboleedyadda oo horay dastuurka ugu qornayd dowladaha xubnaha ka ah Federaalka , balse hada waxa laga dhigay, dowlad goboleedyadda Soomaliya, heesta Astanta Qaranka oo haray ugu qornayd in ay tahay โQolabaa calankeeduโ, balse hadda waxaa laga dhigay heesta Astaanta Qaranka โSoomaaliyeey Toosooโ, dhamaan dowladda goboleedyaduna ay Adeegsan doonan.
Sagaalka qodob ee dib u eegista lagu sameeyay ayaa kala ah qodobada 1aad, 2aad, 4aad, 5aad, 10aad, 12aad, 13aad, 14aad iyo 15aad kuwaasi oo u badan dhanka farsamada ah.
