Dowladda Soomaaliya iyo maamulka Galmudug ayaa si wada jir ah ugu wareejiyay safaaradda Kenya ee Soomaaliya muwaadin u dhashay dalka Kenya oo ay ciidamada Nabad sugidda ka soo furteen kooxaha burcad badeed Soomaali ah.
Munaasabad kooban oo lagu qabtay garoonka Aadan Cadde ayaa Masโuuliyiin ka tirsan Wasaaradaha Amniga gudaha iyo Arrimaha dibadda ay ku wareejiyeen diblomaasi ka tirsan dowladda Kenya, muwaadin u dhashay dalka Kenya, kaasi oo ay burcad badeed Soomaaliyeed afduub ahaan u heysteen.
Related posts
Ciidanka Nabadsugidda ee maamul goboleedka Galmudug ayaa xilli habeen ah xoog uga soo furtay kooxo burcad badeed Soomaali ah, waxaana ay ku soo wareejyeen dowladda.
James oo ah muwaadinka u dhashay dalka Kenya ee laga soo furtay burcad badeedda ayaa tilmaamay in 15 bilood ay afduub ahaan u heystaan kooxaha burcad badeedda, waxaana uu mahadcelin u jeediyay Madaxda Dowlad goboleedka Galmudug iyo kuwa dowladda Soomaaliya.
โMagaceyga waa James, waxaana u dhashay dalka Kenya muddo 15 bilood ayaan gacanta ugu jiray kooxaha burcad badeedda, weerar ciidanka NISA ay soo qaadeen xilli habeen ah ayaa la igu soo badbaadiyayโ ayuu yiri James.
Masโuuliyiin ka tirsan Wasaaradaha Amniga gudaha iyo Arrimaha dibadda ayaa ciidanka amniga uga mahadceliyay tallaabada ay ku soo furteen muwaadinka u dhashay dalka Kenya.
Diblomaasi ka tirsan safaaradda Kenya ee Soomaaliya ayaa dowladda uga mahadceliyay sida loo soo badbaadiyay muwaadinkan, waxaana uu codsaday in ciidanku ay markale soo furtaan gabar u dhalatay dalka Kenya oo gacanta ugu jira.
