Guddomiyaha Gobolka Banadir oo la kulmay Safiirka Mareykanka u qaabilsan Soomaaliya

Guddoomiyaha Gobolka Banaadir ahna Duqa magaalada Muqdisho Mudane Yuusuf Xuseen Jimcaale ayaa magaalada Istanbul ee dalka Turkiga kulan kula qaatay Safiirka dowladda Mareykanka u qaabilsan dalkeena Soomaaliya.

Kulanka labada mas’uul ayaa waxaa looga hadlay arrimo ay ka mid yihiin, ammaanka caasimadda, Mareynta dhaqaalaha caasimadda, doorashooyinka golaha deegaanka Muqdisho, Arrimaha maqaamka caasimadda iyo qodabada dastuurka dalka ee ka hadlaya Gobolka banaadir oo wax laga badalay.

Related posts

Dowaladda Soomaaliya oo dalka dib ugu soo celineyso muwaadiniin laga soo badbaadiyay biyaha Jasiiradda Madagascar

November 24, 2024

Xoogga Dalka oo shacabka ku garab siinaya siidii looga hortagi la haa fatahaadaha wabiga Shabeelle

November 24, 2024

Duqa Muqdisho ayaa ka codsaday safiirka dowladda Mareykanka in ay ka taageeraan sidii maamulkiisa uu doorashooyinka golaha deegaanka kaga suura galin lahaa magaalada Muqdisho, arrintaas oo uu safiirku balan qaaday in ay gacan ka geysan doonaan.

Dhinaca kale Guddomiyaha Gobolka Banadir mudane Madaale ayaa u sheegay safiirka in dadka reer Muqdisho ay dibad-baxyo nabadeed ku muujiyeen sida ay u doonayaan in la qeexo doorka Gobolka banaadir ee awood qaybsiga maamulka dalka.

Safiirka waxa uu sheegay in xagaaga soo socda wafdi uu hogaaminayo ay imaan doonaan magaalada Muqdisho si ay qiimeyn ugu sameeyaan baahiyaha ay qabaan maamulka iyo Bulshada Gobolka Banaadir, waxaana uu qeexay in ay doonayaan in magaalada Muqdisho ay noqoto magaalo matasha siyaasadda Soomaaliya oo dhan marti galisana dibkomaasiyiinta caalamka ee ka howlgalaya dalkeena.

Kulanka ayaa dhinaca kale waxaa qayb ka ahaa mas’uuliyiin ka socotay hay’adda USAID kuwaas oo tilmaamay dhankooda in ay ka qayb qaadan doonaan dhismaha iyo bilic soo celinta magaalada Muqdisho.

Gudomiyaha Gobolka Banaadir ahna Duqa magaalada Muqdisho Mudane Yuusuf Xuseen Jimcaale oo ku sugan dalka Turkiga ayaa maalmahaanba waday kulamo kala duwan oo uu laqaadanayay mas’uuliyiintii ka qayb galay shirkii arrimaha Soomaaliya ee ka dhacay dalkaasi Turkiga, kuwaas oo uu kala hadlayay horumarinta caasimadda Soomaaliya ee Muqdisho.