Ciidamada ammaanka ee dowladda ayaa howlgallo ay ka sameeyeen xaafado ka tirsan degmada Hodan ku soo qabtay waxyaabaha maanka dooriya iyo dadkii ku howlanaa sameynta waxyaabahaasi oo ay ka midyihiin xashiishad iyo 50 fuusto oo lagu karinayay qamriga macmalka ah ee loo yaqaan calaq.
Guddoomiyaha Degmada Hodan Axmed Salaad Ibraahim ayaa sheegay in ciidamadu ay ku guuleysteen ka hortagga in la faafiyo waxyaabaha maanka dooriya
โShacabka, hayโadaha Amniga iyo maamulka degmada Hodan iyagoo iskaashanayaย waxa ay ku guulesteen inay fashiliyeen shabakad ka shaqeynaysay sameynta maandoooriyayaasha, shacabku waa ay dhibsadeen waxaana ay u soo gudbiyeen hayโadaha Amniga kadibna waa ay ku dhaqaaqeen ciidamada, iyagoo gacanta ku soo dhigay maandooriyaal badan iyo dadkii ka shaqeynayay, waxaana uu ahaa howlgal guuleestayโ ayuu yiri Guddoomiyaha.
โIlaa saddex qof ayaa loo soo qabtay howlgalka, baariis ayaa ku socoto waxaan rabaa inaan u mahadceliyo intii gacan ka geysatay howlagalka lagu soo qabtay dadkii ku howlanaa sameynta waxyaabaha maanka dooriyaโayuu hadalkiisa ku daray Axmed Salaad Guddoomiyaha degmada Hodan.
Xildhibaan Malaaq Ibraahim Aadan Dhaayow ayaa bogaadiyay howlgalkan, isagoo bulshada ka dalbaday inay kordhiyaan la shaqeynta hayโadda Aminga.
โ55 Fuusto oo maandooriyayaal ah in la qabto ma aha waxyar, xitaa waxa ay qatar ku ahaayeen dhamaan magaalada inay dhibaata u geestaan marka cidii ka soo shaqeysay maamul, shacab iyo Hayโadaha Amniga waan u mahadcelinayaa Shacabka waxaan ugu baaqayaa inay kordhinayaan la shaqeynta hayโaddaha Amniga, maamulka dagmada waxaan uga mahadcelinayaa Wacyigelinta Bulshadaโ ayuu yiri Xildhibaan Malaaq Ibraahim.
