Dowlad goboleedka Galmudug ayaa sheecisay in 23 ka tirsan maleeshiyada Al-Shabaab ay ku dileen dagaal ciidamada ammaanka iyo maleeshiyada Al-Shabaab ku dhexmaray deegaanno ka tirsan gobolka Mudug.
Wasiirka Warfaafinta ee dowlad goboleedka Galmudug Maxamed Aadan Cismaan oo la hadlay Radio Muqdisho ayaa sheegay in maleeshiyada Al shabaab ay jab xoogan ugu geysteen deegaanka Jireey ee ka tirsan gobolka Mudug, halkaasi oo ay ku dileen 23 ka tirsan Al-Shabaab, isagoo intaa ku daray inay nolosha ku qabteen 13 kale, isla markaana ay ka furteen hub iyo saanad milateri.
Maxamed Aadan Cismaan ayaa xusay in dhankooda uu dagaalka kaga dhaawacmay 7 askari, kuwaasi oo uu tilmaamay inay ku jiraan kuwa qabo dhaawacyo fudud.
Wasiirka Warfaafinta ee dowlad goboleedka Galmudug ayaa hoosta ka xariiqay inay baacsadeen maleeshiyaadkii Shabaab ee duulaanka soo qaaday, waxaana uu intaa ku daray in ciidamada ammaanka ee Galmdugu ay markasta ka go’antahay inay cirib tiraan haraadiga Al-Shabaab.
Wasiirka Warfaafinta ee dowlad goboleedka Galmudug ayaa sheegay in Maamulada Galmudug iyo Puntland ay ka wada hadleen iskaashiga iyo la dagaallanka argagixisada Al-Shabaab.
