Munaasabad balaaran oo lagusoo bandhigayey guddi cusub oo ay yeelanayso Jaaliyadda Soomaaliyeed ee dalka Ingriiska ayaa lagu qabtay magaalada London.
Munaasabadan oo ay soo qaban qaabiyeen golaha guurtida Jaaliyadda Soomaaliyeed ee dalka Ingiriiska ayaa lagu magacaabay guddi ka kooban 5 xubnood oo la sheegay inay soo dhisi doonaan golle Jaaliyadeed oo ay yeeshaan qurba joogta Soomaaliyeed ee ku nool dalka Ingriiska.
Ugu horayn waxaa warbaahinta la hadlay guddoomiyaha golaha guurtida Jaaliyadda soomaaliyeed Ee Uk Dr Maxamed Cabdiraxmaan, isagoo sheegay inay ku howlanaayeen in muddo ah sidii ay usoo xuli lahaayeen guddi matasha guud ahaan Jaaliyadda Soomaaliyeed ee dalka Ingriiska, haatana ay guddigan cusub kala shaqayn doonaan sidii loosoo dhisi lahaa jaaliyad balaaran oo ka jawaabta baahiyaha bulshada Soomaaliyeed ee dalkan kunool.
Xubno ka mida guddiga cusub ee ay soo dhiseen golaha guurtida Jaaliyadda Soomaaliyeed ee Uk ayaa iyaa dhankooda ka codsaday bulshada Soomaaliyeed inay la shaqeeyaan iyagoo balan qaaday in mudada loo qabtay ay kusoo dhisi doonaan jaaliyad dhamaystiran oo wada matasha bulshada Soomalaiyeed ee ku nool dalkan ingriiska .
Ugu danbayntii xildhibaan Yuusuf Maxamed Cali oo ka mid ah Baarlamaanka Soomaaliya kana mid ahaa masuuliyiinta ka qayb galay munaasabdan ayaa ugu baaqay inay midoobaan guud ahaan jaaliyadaha Soomaalida ee ka jira magaalooyinka kala duwan ee dalka Ingriiska .
Iskusoo wada duuboo golahan cusub ee jaaliyadda Soomaalida ee dalka Ingriiska ayaa loo qabtay muddo sannad ah inay kusoo dhisaan jaaliyadda Soomaaliyeed oo salbalaaran taasi oo ka shaqaysa danaha bulshada Soomaaliyeed ee degan UK.
Abdirahman somali
Warbaahinta Qaranka
London Uk .
