Ku simaha Madaxweynaha dalka ahna Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” ayaa maanta magaalada Muqdisho kulan kula qaatay Safiirka Dowladda Mareykanka u qaabilsan Soomaaliya.
Kulanka waxaa Guddoomiye Jawaari ku wehliayey Xoghayaha guud ee Baarlamaanka Mudane C/kariin Xaaji Cabdi (Buux) waxaana looga wada hadlay xiligan howlaha hor yaala Baarlamaanka iyo taageerrada ay u baahan yihiin.
Ku simaha Madaxweynaha Dalka ahna Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” oo kulanka ka hadlay ayaa uga mahad celiyey dowladda Mareykanka taageerrada ay la garab taagan tahay dowladda iyo Shacabka Soomaaliyeed.
