Afurka oo uu sameeyay safiirka Soomaaliya ee dalka Kenya Danjire Jamaal Maxamed Xassan, waxaa ka soo qeyb galay xildhibaano ka tirsan baarlamaanka Kenya oo ay ka mid ahaayeen xildhibaan Ilyaas Barre Shiil, Xildhibaan Yuusuf Xasan oo laga soo doortay xaafadda Islii, Senator Yuusuf Xaaji oo ah wasiirkii hore ee gaashaandhigga Kenya iyo xildhibaano kale.
Sidoo kale, kulanka waxaa ka qeyb galay R/wasaare ku xigeenka Soomaaliya Maxamed Cumar Carte, marwada madaxweynaha, wasiiru dowlaha arrimaha gudaha Soomaaliya Cabdirashiid Xiddig iyo xildhibaano ka tirsan baarlamaanka Soomaaliya.
Madaxweynaha ayaa kulamo la qaatay masuuliyiinta kulankan ka qeyb gashay. Madaxweyne Xasan Sheekh Maxamuud ayaa socdaal 2 maalin ah ku jooga waddanka Kenya, wuxuuna maanta mar labaad la kulmi doonaa dhoggiisa waddanka Kenya Uhuru Kenyata.
