Madaxweyne ku xigeenka dowlad goboleedka Galmudug, Maxamed Xaashi Cabdi ayaa ku qaabilay xafiiskiisa madaxtoyada, madax ka socota hay’adaha UN kuwaasi oo maanta soo gaaray magaalada Cadaado ee caasimada ku meelgaarka ah ee Galmudug.
Wafdigaan oo uu hogaaminyay JOAKIM KLANG oo kamida saraakiisha qaramada Midoobay uga wakiilka ah hirgalinta doorashooyinka heer federaal ee Soomaaliya ayaa ujeedka socdaalkoodu yahay inay u kuurgalayeen isla markaana qiimeyn ku sameeyaan goobaha ay ka dhacayaan doorashooyinka iyo xaaladaha ammaanka.
Intii ay Wafdigu ku sugnaayeen magaalada Cadaado waxaa ay kulamo la qaateen Madaxweyne ku xigeenka dowlad goboleedka Galmudug, waxaana ay si qoto dheer u falanqeeyeen dardargelinta hanaanka doorashooyinka baarlamaanka heer federaal iyo sugidda ammaanka guud ee Galmudug.
Wafdiga ayaa kormeer ku tagay goobaha ay ka dhici doonaan doorashooyinka baarlamaanka heer federaal islamarkaana waxa ay sheegeen in loo baahanyahay in si wanaagsan loo dardar galiyo doorashooyinka oo dhawaan lafilayo in ay deegaanada Galmudug ka qab soo maan.
Ugu danbeeyntii Madaxweyne ku xigeenaka dowlad goboleedka Galmudug ayaa sheegay in ay Galmudug u diyaar garoowday hirgalinta doorashoyinka islamarkaan ay xil gaar ah iska saartay sidii ay halkaan uga dhici lahaayeen doorashoyin xalaal ah isla markaana ay Galmudug u diyaar garooday in aysan dhicin wax isdaba marin, intaas kadib wafdiga ayaa ku laabtay, magaalada Muqdisho caasimada Soomaaliya.
