Dugsiga tababarada ciidamada booliska Sooomaaliyeed ee janaraal kaahiye ayaa maanta lagu qabtay munaasabad ay ku qalin jabiyeen sarakiil mudo tababar uga socday dugsiga kuwasoo horey uga soo baxay jaamacado kale duwan oo gudaha
Taliyaha Ciidanka Booliiska Soomaaliyeed S/Gaas Maxamed Sheekh Xasan Xaamud, ayaa sheegay in Saraakiishaan cusub ay qeyb ka yihiin dib u habbeyn guud oo ku socota ciidammada Booliska Soomaaliyeed qeybahiisa kala duwan, si loola jaan-qaado nooca Amniga ay Soomaaliya xilligaan u baahan tahay.
Wasiirka Amniga Gudaha Xukuumadda Soomaaliya, Mudane C/risaaq Cumar Maxamed, ayaa tilmaamey in dedaal xoog leh uu sameeyey Taliska ciidanka Booliska wasaaraduna ay gacan ka fulinta go’aankii madaxweynaha ee dib u habeynta ciidammada Booliska Soomaaliyeed.
Madaxweynaha Jamhuuriyadda Faderaalka Soomaaliya, Mudane Xasan Sheekh Maxamuud, ayaa ku ammaanay taliyaha Ciidanka Booliska Soomaaliyeeddadaalka uu sameeyay, waxa uuna hambalyo ujeediyay saraakiisha cusub oo noqonaya tiradii ugu badnay ee Arday Jaamiciyiin eek u biira ciidanka Boliiska.
Madaxweynaha Jamhuuriyadda, ayaa sheegay in dowladda Federaalka Soomaaliya ay ka go’an tahay sidii loo soo dhammeystiri lahaa agabkii ay ku shaqeyn lahaayeen saraakiishan, isgaoo xusay in ay yihiin dhallinyaro ay Soomaaliya ay ku faani karto.
Madaxweyne Xasan Sheekh, ayaa gacantiisa ugu xiray darajo laba Xiddig ah saraakiisha Qalin-jabisay, isagoo sidoo kale dalacsiiyey saraakiil ka tirsan Ciidammada Booliska Soomaaliyeed, madaxwyenaha ayaana abaalmarinno uu u diyaariyey taliyaha ciidanka Booliska guddoonsiiyey Jaamiciyiinta saraakiisha cusub ah ee ku soo biiray Booliska Soomaaliyeed.
