Garoonka Banaadir Stadium ee magaalada Muqdisho waxaa maalmahan uga socda tababar isdabajoog ah kooxda uga qeyb galeysa Soomaaliya ciyaaraha Olimbikada ee ka furmaya horraanta bisha dambe magaalada Rio de Janeiro ee dalkaasi Brazil.
Kooxdan tababaraneysa ayaa waxaa ka baxaya oo keliya labo ruux oo kala ahย Maryan Nuux Muuse iyo Maxamed Da`uud Maxamed kuwaas oo Soomaaliya u mateli doona ciyaaraha islamarkaana calanka Soomaaliyeed qaadi doona.
Related posts
Maryan oo qaranka Soomaaliya horay ugu soo safatay sanooyinkii u dambeeyay ayaa waxa ay ka qeyb gashay tartamo ka dhacay dalalka Kenya, Republic of Congo, Botswana, Tanzania, Ethiopia iyo China, waxaanaย ay ordi doonta tartanka orodka ee 400 mitir.
Maxamed oo isna qaranka Soomaaliyeed u safanaya sanadkan ayaa waxaa uu asal ahaan kasoo jeedaa dhulka lagu magacaabo ย Waqooyi-bari Kenya, waxaana uu isna Soomaaliya u ordi doonaa tartankaย 5,000 mitir.
Tababaraha ciyaartoydaย Maxamuud Cadow Nuur ayaa rajeynaya in ay natiijo wanaagsan ka gaaraan ciyaartan, waxaana uu tiiriikh kooban ka bixiyay qaabkii awal loo xulan jiray ciyaartoyda.
” Waagii hore, ragga orodka ugu wanaagsan waxaa qaadan jiray ciidamada, dabadeed dibadda ayaa loo diri jiray kuwooda fiic-fiican oo tababar dheeraad ah ayaa lagu soo siin jiray, balse marki ay dowladdi bur-burtay waxaasoo dhan meesha waa ay ka bexeen”, ayuu yiri Mr. Maxamuud.
Sidoo kale waxaa ka qeyb-galka Soomaaliya ee ciyaarahan ku faraxsan madaxweynaha Olibikada Soomaaliyeed marwoย Khadiija Aaden Daahir oo iyana rajeyneysa in ciyaarahan Soomaaliya kasoo hoyiso natiijo fiican.
Maxamed Xasan Maxamed oo sanadkii 2012-ka u matalay Soomaaliya ciyaarihiiย London Olympics ayaan dib ugu soolaaban dalka marki ay dhamaadeen ciyaaraha, waxaana uu qoxooti iska dhiibay dalka Ingriiska.
