Aqoon isweedaarsi ku saabsan joojinta gudniinka fircooniga ah oo ay soo qaban qaabisay hayโadda Ifraax Foundation oo kaashanaysa ย wasaaradda haweenka Soomaaliya iyo hayโadda Orchid Project ayaa waxaa ka qeybgalay, wasiirka diinta iyo awqaafta Soomalaiya C/qaadir Sheekh Cali Baqdaadi, xeer ilalaiyaha guud ee qaranka, wasiir kuxigeenka warfafinta mudane C/laahi Colaad Rooble, wasiir kuxigenka haweenka Muumino Sheekh Cumarโqeybaha kala duwan ee bulshada rayid iyo ย xubno ka socday Maamul goboleedyada.
Ka qeybgalayaasha ayaa ka dooday caqabadaha gudniinkan fircowniga ah ย iyaga oo ka eegaya dhinacyada Shareecadda Islaamka iyo xuquuq Aadanaha heer Qaran iyo heer Caalami si loo fahmo dhibaatooyinka uu leeyahaya gudniinka fircowniga ah.
Related posts
Ifraax Macalin Axmed oo ah guddoomiyaha hayโadda Ifraax Foundation oo soo qaban qaabisay barnaamijkani ย ย ayaa ka hadashay ahmiyadda barnaamijkaan uu u leeyahay Haweenka ayaa tiri โGudniinka fircooniga ah, waxa uu dhibaato caafimaad xumo uu ku yahay Haweenka oo la dhibtooda xanuunka gudniinka marka ay dhalayaanโ ayuuy
Wasiir kuxigeenka warfafinta mudane C/laahi Colaad Rooble iyo wasiir kuxigenka haweenka Muumino Sheekh Cumar oo ka hadlay kulankaasi ayaa dhankoodi ka hadlay arimaha laxiriira gudniinka fircowniga ah ayagoo muujiyay ahmiyadda ay leedahay in bulshadu ay fahamto dhibaatooyinka gudniinka fircowniga ah uu leeyahay.
Xeerilaaliyaha guud ee Qaranka Dr Axmed Cali Daahir ayaa sheegay in dib u eegista Xeerka ciqaabta ay ku dari doonaan qorshaha lagu mamnuucayo gudniinka fircooniga.
โDalka hadda malaha qanuun si rasmiya u mamnuucaya gudniinka fircooniga ah, hase ahaatee waxaan ku dari doonaa dib u eegista Xeerka ciqaabta Soomaaliyeed.โ
Wasiirka Awqaafta iyo arrimaha Diinta C/qaadir Sheikh Cali (Baqdaadi) ayaa sheegay ย in ay tahay in Gudniinka Haweenka lagu saleeyo shareecadda Islaamka.
Warbixin ay soo saartay Hayโadda UNICEF ee QM Sanadkaan ayey ku sheegtay in tirade Haweenka adduunka ee maray Gudniinka Fircooniga ay gaareyso 200 oo Milyan, iyada oo Soomaaliya ay safka hore kaga jirto dalalkaasi.
