Madaxweyne Recep Tayip Erdogan oo booqanaya dalka Ruushka ayaa heshiis la saxiixday dhiggiisa Ruushka Vladamir Putin, kaddib markii Madaxweynayaasha ay kulan xasaasi ah ku yeesheen Magaalada St Petersburg ee Dalkaasi ayaa sheegay in labada Dal ay furayaan baal cusub oo taariikhi ah.
Dawladaha Ruushka iyo Turkiga ayaa xiriirkoodu mugdi soo galay illaa iyo bishii November ee sanadkii hore, waqtigaasi oo Ruushka laga soo riday diyaarad kuwa dagaalka ah, waxayna Dawladaha reer galbeedku eegayaan isku soo dhawaashaha labadaasi Hoggamiye.
Madaxwaynaha Turkiga Erdogan ayaa sheegay in xiriirka labada Dal uu hadda ka wanaagsan yahay sidii uu horay u ahaan jiray.
Madaxwaynaha Raashka Mr Putin ayaa isna dhinaciisa tilmaamay in kulanka uu la yeeshay dhiggiisa Turkiga uu ahaa mid miro dhalay, islamarkaana ay isla soo qaadeen arrimo badan oo muhiim ah.
