Madaxweynaha Jamhuuriyadda Federaalka Soomaaliya mudane Xasan Sheekh Maxamuud ayaa ka qeybgalay kulan looga hadlayay qoondada haweenku ku yeelan doonaan golayaasha qaranka.
Kulanka wacyigelinta ka qeyb-galkaย haweenka doorashada 2016-ka iyo xaqiijinta Qoonadada haweenka ay ku yeelan doonaan goleyaasha Qaranka, waxaa kaloo ka qeyb-galay kulanka, wasiirka Haweenka iyo Xuquuqul Insaanka, Danjireyaasha Qoondada haweenka u ololeeya, haween ka kalaย yimid gobollada dalka, Wakiil AMISOM iyo haween murashaxiin u ah kuraasta labada aqal.
Guddoomiyaha Ururka Haweenka Qaranka, Batuulo Sheekh Axmed Gaballe ย oo ka mid ah dadka u ololeeynaya qoondada haweenka, , ayaa madaxweynaha uga mahadceliyey dadaalka uu ku bixiyey heerka ay soo gaareen, waxa ay sheegtay in ay sii wadi doonaan u dhabar adeeygidda howsha doorashooyinka kaย dhacaya gobollada dalka ee goloyaasha Qaranka.
Wasiirka Haweenka iyo Horumarinta Xuquuqul Insaanka Soomaaliya, Sahra Maxamed Cali Samatar, ayaa sheegtay in haweenka looga fadhiyo in ay si rasmi ah u xaqiijiyaan Kursiga ay u tartamayaan, iyaguna ay isku kalsoonaadaan.
Madaxweynaha Jamhuuriyadda F. Soomaaliya, Mudane Xasan Sheekh Maxamuud, ayaa Haweenkii kulanka joogey u sheegay ย goโaannadii ka soo baxay shirkii Madasha Qaran in lagu qeexay hababkaย loo mari doono qoondada haweenkaย iyo doorka doorashada sannadkaan.
Madaxweynaha J.F Soomaaliya, Mudane Xasan Sheekh Maxamuud, ayaa ku ammaanay haweenka Soomaaliyeed dadaalka ay muujiyeen, waxa uu ugu baaqay in aysan ka tanaasulin xuquuqdooda, hasa yeeshee iyagoo qiimeynaya daruufaha dalkaย uu ku sugan yahay ay wajahaan arrimahaasi.
Madaxweyne Xasan Sheekh Maxamuud, ayaa sheegay in dowladda Federaalka ย ay ka goโan tahay sidii dalka looga oogi lahaa doorashooyin loo simman yahay oo u dhaca si degnaansho leh, isla markaana uu rajeynayo in Haweenku ayย u midoobaan sidii ay u sugi lahaayeen Kuraasta Barlamaanka ay ku yeelan doonaan.
Ugu dambeyn madaxweynaha Jamhuuriyadda Mudane Xan Sheekh Maxamuud, ayaa haweenka Soomaaliyeed kula dardaarmay isu tanaasul iyo in ay doorashooyinka uga qeyb-galaan si degaansho iyo dimoqoraadiyad leh.
