Xildhibaan Ubax Tahliil oo kamid ah xubnaha baarlamaanka Soomaaliya, ayaa dowladda Soomaaliya ka dalbatay in dalka dibadiisa loo qaado askarta katirsan Galmudug, ee dhaawacyada ay kasoo gaareen duqeyn dhawaan ka dhacday deegaanka Jeexdin ee duuleedka magaalada Gaalkacyo.
Waxa ay sheegtay in askarta intooda badan ay qabaan dhaawacyo halis ah sidaasi daraadeedna lagama maarmaan ay tahay in dalka dibadiisa loo qaado si loogu soo daweeyo askartaasi.
Xildhibaan Ubax Tahliil ayaa ugu baaqday madaxda dowladda Soomaaliya in arintaasi ay u istaagaan islamarkaana si deg deg ah loo fuliyo, si askarta Galmudug loo badbaadiyo.
Shalay ayaa magaalada Muqdisho waxaa lasoo gaarsiiyey qaar kamid ah askartii ku waxyeelowday duqeyn ka dhacday duuleedka magaalada Gaalkacyo.
