Ciidamada ilaalada Xeebaha ee Dalka talyaaniga ayaa soo badbaadiyay Koow iyo toban kun oo muhaajiriin Afrikaan ah, kaddib howlgallo ay ka wadeen Badda u dhexeysa Libya iyo talyaaniga Saacadihii ugu dambeeyay.
Isu geyn 50 Qof ayaa dhimatay inta ay socdeen hawlgalladan lagu soo badbaadinayay Muhaajiriintan Afrikaanka ah, kuwaasoo ay ku jiraan haween iyo carruur uu naqasku ku dhegey, markii ay ku neef qabatoobeen Doonnidii ay saarnaayeen oo buux dhaaftay.
Dadka la badbaadiyay iyo kuwa dhintay ayaa la sheegayaa inay badankood ka soo jeedaan Waddamada Soomaaliya, Nigeria, Eritrea, Guinea, Gambia, Sudan iyo Ivory Coast.
Ku dhowaad 150,000 Qof oo Qaxooti ah ayaa Sanadkan gaaray Dalka talyaaniga, halka tirada ku dhimatay badda ay ka badantahay 3,000, oo u badnaa Dad ka soo jeeda Qaaraddan Afrika.
