Guddoomiyaha cusub ee golaha Baarlamanka maamul Goboleedka Hir-Shabaalle ,ayaa waxaa ku guulaystay Sheekh Cusmaan Barre Maxamed, markii uu ka guulaystay murashixii la tartamayay.
91 Xildhibaan ayaa soo xaadirtay Hoolka ay doorashadu ka socotay, wuxuuna Sheekh Cusmaan Barre Maxamed helay codad gaaraya 61 ,halka uu musharixii la tartamayay ee Abuukar Xasan Cali uu isna helay codad gaaraya 28cod .
Related posts
Musharaxa laga guuleystey doorashada Abuukar Xasan Cali, ayaa u hambalyeeyay guddoomiyaha baarlamaanka Hirshabeelle Cismaan Barre Maxameda,wuxuuna Alle ugu baryay inuu la garab galo xilka ballaaran ee uu xambaaray.
Codbixintan ayaa waxaa goobjoog ka ah guddoomiyaha baarlamaanka federalka Soomaaliyeed Maxamed Cismaan Jawaari iyo xildhibaano ka tirsan Baarlamaanka federalka oo ka soo jeeda Labada Gobol ee maamulka Hirshabeele uu ka kooban yahay.
Sheekh Cusmaan Barre, ayaa mar soo noqday Guddoomiyhii Maxkamadda Galbeedka Gobolka Hiiraan, wuxuuna sidoo kale ahaa Guddoomiyhii hore ee Degmada Beledwyne, isagoo wixii markaa ka dambeeyay door ku lahaa Siyaasadda Gobolka Hiiraan.
