Wafdigan ka soo degay garoonka diyaaradaha magaalada Kismaayo ayaa waxaa hogaaminayay xeer ilaaliyaha Guud ee Qaranka Dr Axmed Cali Daahir iyo sidoo kale guddoomiyaha maxkamadda sare ee dalka Ibraahim Iidle Saleebaan, waxaana markii ay kasoo dageen garoonka diyaaradaha Kismaayo halkaasi si ween ugu soo dhaweeyay mas’uuliyiin ka tirsan Jubbaland.
Wafdiga ayaa loo galbiyay gudaha magaalada Kismaayo iyo xarunta Madaxtooyada Jubbaland, iyadoo uu Warbaahinta la hadlay Wasiir ku-xigeenka Wasaaradda Cadaaladda iyo Garsoorka Dr Aadan Inshaar oo sheegay in socdaalka wafdiga ay la xiriirto sidii ay kulamo ula qaadan lahaayeen madaxda dowlad goboleedka Jubbaland.
Xeer Ilaaliyaha guud ee Qaranka Dr Axmed Cali Daahir ayaa ka mahadceliyay sida loo soo dhaweeyay, isla markaana ay kulamo la yeelan doonaan madaxda maamulkaasi.
