War qoraal ah oo ka soo baxay Gudiga xalinta khilaafaadka ayaa waxaa lagu laalay 11 kursi oo ka mid ah kuraastii doorashada Xildhibaanada oo ka dhacay Xarumaha shanta Maamul- goboleed.
Qoraalka oo ay heshay Warbaahinta Qaranka ayaa waxaa ka muuqday in shan kamid ah Xildhibaanada lagu doortay Magaalada Baydhabo aysan waxba ka jirin, halka maamulada HirShabeele iyo Puntland laga laalay min labo Xildhibaan.
Sidoo kale Galmudug iyo Jubbaland ayaa laga diiday doorashadii xildhibaanada qaar ay ku soo baxeen maadaama muruno badan ay ka taagnaayeen, waxaana qoraalka lagu sheegay in kuraasta la laalay ay ahaayeen kuwii murunada badan ka taagnaayeen.
