Shirkan oo ay si wadajir ah u soo qabanqaabiyeen Wasaaradda Ganacsiga tan Maaliyadda iyo Bangiga Aduunka ayaa ka dhacay Taariiqdu markay ahayd 13/12/2016 ila 19/12/216 Magaalada Nairobi gaar ahaan Xarunta dhismaha weeyn ee Bangiga Aduunka.
shirkan oo mudo sedex maalmood socday ayaa looga gonlahaa sidii Nidaam cusub loogu yagleeli lahaa qaabka ganacsi ama shatiyada ee Wasaarada Ganacsiga ay ku shaqeeyso , iyadoo loogu magacdaray kulankaas dib u habeynta Ganacsiga Soomaaliya (Somali Business Reform)
Xubnihii Shirkaasi ka soo qayb galay waxaa kamid ahaa wafdi uu horkacayey Xoghaya joogtada ee Wasaaradd Ganacsiga, Abuukar Maxamed Daahiye iyo Agaasimaha rugta Ganacsiga mudane Abshir dhoore, waxaa sidoo kale ka mid ahaa xubnaho ka socday Wasaarada Maaliyada, iyo Qareenada sida gaarka ah ula shaqeeya Wasaarada Ganacsiga.
Guntii iyo gunaanadkii, shirkani waxa uu ahaa mid mira dhal ah oo faa’ido weyn ku soo kordhin doona Nidaamka Ganacsi ee Wasaaradu ay iminka ku shaqeeyso.
