Banaanbaxaan lagu tageerayay Ra’iisul wasaare Xasan Cali Kheyre oo ay soo qaban qaabiyeen Maamulka Degmada Gaalkacyo ayaa waxaa kasoo qeyb galay mas’uuliyiin ka tirsan Galmudug iyo boqalaal dadwewyne oo isugu jiray bulshada qeybaheeda kala duwan, kuwaasi oo kala yimid xaafadaha magaalada Gaalkacyo ee xarunta Gobalka Mudug.
Dibad baxaan ayaa intii uu socday waxaa halkaasi hadalo kasoo jeediyay qaar ka mida ka qeyb galayaashii kuwaasi oo sheegay in ay si weyn usoo dhaweeynayaan magacaabista uu Madaxweyne Maxamed C/laahi Farmaajo u magacaabay Ra’iisul wasaaraha Dalka Mudane Xasan Cali Kheyre, waxaana dhamaan ay si isku mid ah u taageereen Ra’iisul wasaaraha cusub ee Dalka, iyagoo kula dar daarmay in uu noqdo mid ku shaqeeya caddaalad iyo wadaninimo
Ugu Danbeyna duqa Degmada Gaalkacyo ayaa ka hadlay dibad baxa taageerada ah ee maanta ka dhacay magaalada Gaalkacyo ee Xarunta gobalka Mudug, waxaana uu ka dhawaajiyay in ay soo dhaweeynayaan in madaxweyne Farmaajo uu soo xushay qofkii uu u arkay in ay ka wada shaqeyn karaan sidii dalka Soomaaliya looga saari lahaa marxaladda adag ee uu marayo, isku soo baxa maantana uu yahay mid bulshada Gaalkacyo ay ku muujinayaan sida ay raali uga yihiin xulashada Madaxweynaha Dowladda Federaalka Soomaaliya Mudane Maxamed Cabdullaahi Farmaajo
Waxaa Diyaariyay Wariye C/risaaq Maxamed Axmed (C/risaaq Galkacyo)
