Gudoomiyaha Gobolka Shabeellaha Axmed Meyre Makaraan ayaa Maamuladda degmooyinka gobolkaas ugu baaqay in ay u diyaar garoowaan Fatahaado laga yaabo in uu sameeyo webiga Shabelle asagoo shacabkana ka codsaday in ay garab istaagaan maamulada Degmooyinka.
Mudane Axmed Meyre Makaraan oo booqday tuulada beexa oo hoostagta Magaalada Jowhar ee xarunta Gobolka Shabellaha Dhaxe ahne Caasimadda Maamulka Hirshabelle xili ay dadweynaha tuuladaasi u diyaar garoowayeen ka hortaga Fatahaado uu webiga Shabelle Sameeyo.
Gudoomiyaha oo halkaasi ka hadlay ayaa sheegay in ay lagama maarmaan tahay in maamulada Degmooyinka Gobolkaas ay u diyaar garoowaan Fatahaado laga yaabo in uu sameeyo Webiga Shabelle madaama la galay xili Roobaadkii , Mudane Axmed Meyre Makaraan ayaa Alle ka baryey in roobabka Sanadkaan ay noqodaan biyo xasalan oo si degan ay umadda uga faaideystaan asago wixii shar ahna alle ka magan Galay.
Webiga Shabeellle ayaa inta badan xili roobaadka waxa uu sameeyaa fatahaado Sababa Khasaarooyin kala duwan oo soo gaar dadka iyo deegaanadda ka ag dhaw hareeraha Webiga Shabeelle.
