Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii lixaad ku tartamay tartameyaasha Degmooyinka Xamar weyne VS Kaxda oo ka wada tirsan gobolka Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Xamar weyne VS Kaxda ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suโaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Xamar Weyne
Tartameyaasha degmada Xamar weyne ee gobolka benaadir waxaa la weydiiyey todobo Suโaal, waxaana ay si sax ah uga jawaabeen saddex suโaal, waxaana ay iska qaldeen afar suโaal, waxa ay si ka faaโiideysi ah u heleen Hal suโaal oo soo hareer martay tartamayaasha degmada Kaxda, hadaba wadarta guud ee dhibcaha tartameyaasha Degmada Xamar weyne ay heleen waxay noqoneysaa sideed dhibcood.
Kaxda
Tartamayaasha Degmada Kaxda ee gobolka Benaadir waxaa dhankooda la weydiiyay todobo suโaal, waxaana suโaalihii la weydiiyay ay si sax ah uga jawaabeen Afar suโaal, waxaana ay iska qaldeen saddex suโaal, mana jirin wax ka faa’iideysi ah oo ay heleen, waxaana wadarta guud ee dhibcaha tartameyaasha degmada Kaxda ay noqotay sideed (8) dhibcood.
Guddiga ayaa su’aalo dheeri ah ku daray, maadaama labada tartame ay isku dhibco noqdeen, waxaana su’aalihii dheeriga ahaa lagu daray ay si wada jir ah uga jawaabeen min labo su’aal, waxaana lagu kala baxay su’aashii saddexaad oo ay iska qaldeen tartamayaasha Degmada Kaxda, iyadoo ay ka faa’iideysteen tartamayaasha degmada Xamar weyne, balse su’aashii dhanka degmada X/weyne la weydiiyay waa ay iska qaldeen, mana jirin cid ka faa’iideysatay, waxaana sidaas ku adkaatay oo ku soo baxday tartamayaasha degmada Xamar weyne, maadama ay heleen labo dhibcood oo ka faa’ideysi ah.
Wadarta guud ee dhibcaha Kaxda waxa ay noqotay 12 dhibcood, halka Xamar weyne ay la timid 14 dhibcood, sidaas ayayna ku soo baxeen wareegga labaad ee tartanka.
Habeen dambe oo ah habeenka Todobaad ee tartan cilmiyeedka Warbaahinta Qaranka hadii uu Alle idmo barnaamijka waxaa ku tartami doona tartamayaasha degmooyinka Boosaaso Vs Kaaraan oo ka kala tirsan Gobollada Bari iyo Benaadir.
