Roobab xoogan oo dabeylo wata ayaa dad gaaraya 300 oo qof ku dilay gudah dalka Sierra Leone sida ay sheegayaan saraakiisha hay’adda Maareynta Musiibooyinka dalkaasi.
Wakaaladda wararka AFP oo soo xiganaysa Afhayeen u hadlay Hay’adda Laanqeyrta Cas ayaa sheegeysa in tirade dhimashadu ay gaarayso ilaa 312 qof
Abubakarr Tarawallie oo ah isna ah sarkaal kale oo katirsan hay’adda caalamiga ah ee Laan-Qeyrta CasInta ayaa goor sii horeysay sheegay in 179 qof ay dhinteen kadib markii daadad xoogan oo ka dashey roobab dabeylo wata oo ku dhuftay meel u dhow magaalada caasimadda ah ee dalkaasi Sierra Leon ee Free Town balse haatan uu qasaaruhu intii ka sii kordhay..
Dad badan ayaa ku guryo beeley markii ay ku soo rogmadeen burbur ka dhashey qeybo kamid ah buuralayda halkaasi ku yaala, iyadoo dhacdadan ay dhacday xili dad badan ay jiijiifeen guryohooda.
Madaxweyne ku xigeenka dalkaasi Sierra Leone Victor Bockarie “ ayaa sheegay in tirada qasaaraha halkaasi ka dhashey laga yaabo in ay sii kororto,
Saraakiisha hay’adda Maareynta Musiibooyinka dalka Sierra Leon ayaa sheegay in dad kor u dhaafaya 2000 kun oo qof ay ku gurya beeleen roobab kaasi.
