Wasiirka Boostada, Isgaarsiinta iyo Teknoolojiyada, Mudane Cabdi Cashuur Xasan, ayaa soo xiray shirweynaha Madasha Hawl-wadeennada Shabakadaha Isgaarsiinta (Somali Network Operators Group β SOMNOG) oo lagu qabtay magaalada Muqdisho.
Shir weynahan oo socday laba maalmood, waxaa ka soo qeyb galay in ku dhow 100 qof oo ka kala socda shirkadaha Isgaarsiinta iyo Internet-ka, Jaamacadaha, xirfadleyda Isgaarsiinta iyo Internet-ka, ardeyda iyo Wasaaradda Boostada, Isgaarsiinta iyo Teknoolojiyada. Shirweynahan wuxuu ku soo billowday tababar socday muddo saddex maalmood oo dhinaca farsamada ah, kaasoo oo lagu qabtay Jaamacadda City bartamihii bishii Okoobar ee la soo dhaafay.
Related posts
Guddoomiyaha SOMNOG, Eng. C/laahi Biixi Xuseen, ayaa sheegay in shir-weynahan uu ahaa kii labaad ee la qabto, iyadoo ujeeddada shir-weynahan ay tahay sidii maamulayaasha iyo shaqaalaha farsamada ay isku weydaarsan lahaayeen aqoonta iyo waaya-aragnimada si loo horumariyo adeegyada teknoolojiyada ee dalka.
Wasiirka oo ka hadlayay xiritaanka shirka ayaa u mahadceliyay dhallinyaradii soo qaban qaabisay shirweynahan oo isku keenay bahweynta ka shaqeysa Isgaarsiinta iyo Internet-ka. Wasiirku wuxuu intaasi ku daray in sharciga Isgaarsiinta ee dhowaan la ansixiyay uu nidaamin doono suuqa Isgaarsiinta Soomaaliya, hirgelinta sharcigana kaalin weyn laga siinayo xirfadleyda.
βDalka Soomaaliya wuxuu horumar degdeg ah ku gaari karaa haddii farsamada casriga ah looga faaβiideysto ganacsiga iyo nolosha inteeda kale. Sidaasi darteed, waxaan ku baaqeynaa in ganacsatada iyo waxbarashada ay ka wada shaqeeyaan sidii ay isugu xirmi lahaayeen waxbarashada iyo xirfadaha looga baahan yahay suuqa,β ayuu hadalkiisa ku soo gabagabeeyay wasiirku.
Wasiirka ayaa ugu dambeyntii u mahad celiyay shirkadaha SomTel, Somali Optical Network, Premier Bank iyo Jaamacadda City oo suurtogeliyay qabsoomidda shirweynahan, isagoo guddoonsiiyay shahaado-sharaf.
