Danjiraha Soomaaliya ee Turkiga ayaa si ramsi ah u furay xarun ay ku shaqeyn doonto Jaaliyadda Soomaaliyeed ee dalka Turkiga oo markii ugu horreysay muddo 27 sanno ah kaddib sameysay Jaaliyad ay ku mideysan yihiin.
Munaasabadda waxaa joogay guddoomiyaha KMG ah ee Jaaliyadda Sheekh Maxamed oo si weyn u soo dhoweeyey sida Safaaradda Soomaaliyeed ay ugu muujisay wada shaqeyn iyo gacan siin intaba.
Jaamac C/llaahi Maxamed (Ceydiid) ayaa kula dardaarmay Jaaliyadda in ay isku duubni iyo Soomaalinimo ku wada shaqeeyaan, isla markaana ay ku dadaallaan sidii ay uga qeyb-qaadan lahaayeen horumarka dalkooda.
