Wasiirka Maaliyadda Soomaaliya Dr. C/raxmaan Ducaale Beyle oo hogaaminaya Wasiirrada Maaliyadda ee Dowlad Goboleedyada ayaa Kormeer shaqo ku tagay Deegaanka Goob-weyn ee Gobolka Jubada Hoose.
Wasiirrada ayaa soo indha indheeyay qaabka deegaanka iyo habka cimilo ahaan ay u sameysan tahay, taasoo laga dheehan karo hab dhaqan dhaqaale iyo horumar joogta ah.
Deegaanka Goob weyn oo ah halka Wabiga Jubba uu kaga darsamo Badweynta Hindiya ayaa ah deegaanka dalxiiska aad ugu wanaagsan.
Wafdiga uu hogaaminayo Wasiirka Maaliyadda Soomaaliya Dr. C/raxmaan Ducaale Beyle ayaa magaalada Kismaayo u tagay shir looga hadlayo mideynta canshuuraha Dowladda dhexe iyo Maamul Goboleedyada oo gelinkii danbe ee talaadada lagu soo gabagabeeyay magaalada Kismaayo ee xarunta KMG ah maamulka Jubbaland.
