Related posts
ย Waxaa maanta magaalada Muqdisho ka dhacay kalfadhigii labaad kullankiisii 22-aad ee Golaha Aqalka Sare ee baarlamaanka Federaalka Soomaaliya,kaasi oo looga hadlay labo qodob oo kala ahaa Miisaaniyadda Dowladda ee 2018,taas oo ay soo meel mariyeen xildhibaanada Golaha Shacabka iyo Weerarkii lagu qaaday Guriga Senater Cabdi Cawaale Qeybdiid.
Mudane Cabdi Xaashi C/llaahi Guddoomiyaha Golaha Aqalka Sare ayaa Mudanayaasha siiyey Warbixin ku saabsan Miisaaniyadda Dowladda, waxaana uu sheegay in Madaxweynaha FJS Mudane Maxamed C/llaahi Farmaajo uu kala hadlay arrintan.
โWaxaan la-kulmay Madaxweyne Farmaajo waxaana uu iga codsaday in uu Miisaniyadda Saxiiixo,marka waxaan idiin soo gudbinayaa Codsiga Madaxweynaha, Dalku waxaa uu u baahan yahay in uu Miisaaniyad helo waxaana hadleynaa Danta guud ee Dalka mana jirto Miisaaniyad aan hada ka hadleynoโ.
Intaas kadib waxaa Mudanayaasha Aqalka Sare Cod gacan taag ah u qaadeen in uu Madaxweynaha Dowlada uu Saxiixo Miisaaniyada waxaana ogolaatay 26, waxaa ka aamusay 3 wax diidayna majiraan.
Dhanka kale waxaa uu ka dooday Goluhu Weerarkii lagu qaaday Gurig Senatar Cabdi Xasan Cawaale.
โWaxaan soo marnay iyada oo ragga Ciidanka Madaxda u ah Gacmahooda ku wataan Madaxkamada wixii ay rabaa ay sameeyaan arrin fuulxun runtii waxaana soo jeedinayaa in wax muuqda Dowladdu ka qabato, waxan rabnaa in loo yeero Wasiirka Amniga si-wax looga weydiiyo arrimaha dalka ka dhacayaโ Senatar Yuusuf Geele Ugaas.
Waxaan canbaareeyna arrinta dhacday runtii fal xun ayaa dhacay taas kadib waa in lahelaa dhibaatada meesha ay katimid waxaan soo marnay dhibaato badan waa in aan dib u laabanโ Senater Saciido Xasan Cismaan.
Waxaa larabaa in leyska horkeeno Dadka iyo Dowlada taasna waxaa loo bahan yahay in laga fekero Ciidanka Gurig weeraraynm waxay ka amar qaataan Saraakiil waa in kuwaas lasoo xiro, waxaan kaloo Codsanaa in lasoo magacaabo Taliyaha Nabad Sugidaโ. Senater Faadumo Xasan Aadan.
Waxaan Codsanaa in loo yeero dhamaan Masuuliyiinta Amaanka si-arrintan wax looga qabtoโ Senater Iftin Xasan Iimaan.
โWaxaa dhacay arrin fuul xun oo laga xishoodo Amaanka Gobolka Banaadir waa in lagu wareeyo Gudoomiyaha Gobolka Banaadir maxaa yeelay asiga ayaan toos ula xisaabtameynaaโ Senater Jawaahir Axmed Cilmi.
