Bashiir Maxamed Maxamuud oo ah Wiilkan yar Ee idiin muuqda kaas oo hal sano jir ah waxaa uu dhashey isagoo aan lahayn meel uu ka saxroodo, tan iyo markii uu dhashey ilaa hadda waxaa lagu sameeyey 3-Qaliin balse laguma guulaysan Qaliimadaas.
Wiilkaan yer oo ay haysato dhibaato xanuun oo daran ayaa ka soo jeeda qoys danyer ah, waxaana ay hooyada dhashay noo sheegtay in ay ka keentay Degmada Guriceel ee gobolka Galgaduud iyadoo loo keenay si caafimaad uu uga helo caasimada dalka ee Muqdisho Balse waa lagu guul dareestay taana.
Nasro Xaashi Maxamuud oo ah hooyada dhashey Bashiir ayaa ka sheekeynaysa marxaladihii ay la soo martay wiilkeeda yar ee xanuunsanaya waxaana ay xustay in uu ku dhashay xaaladaan adag ee uu ku jiro.
Maama Nasra waxaa ay ka codsata Bulshada Soomaaliyeed iyo madaxda Qaranka in laga caawiyo caafimaad dibada ah oo wiilkeeda uu helo maadaama loo sheegay in aan dalka wax looga qaba karin .
“Mudo 11 bilood ah waxaan hadba meel kala dhacayay xaalada wiilkeyga yar oo aan caafimaad u raadinayay lix kale oo aan dhalay war kama hayo mudadaas aabahood iyo iyagaba waxaan ogahay kaliya in xoolihii aan dhaqaneynay abaartii ka dhacday dalka ay maratay ” ayay hadalkeeda sii raacisay Hooyo Nasro.
