Africa Kulankani wacyigalinta ahaa oo uu soo agaasimay masaajidka Imaamu Bukhaari ee ku yaala magaalada Pretoria ee caasimada dalka South Africa ayaa lagu casuumay Safiirka Dowlada Soomaaliya u fadhiya dalka South Africa Ambassador Jamaal Maxamed Barrow Iyo Sheikh Maxamed Cabdi Umal oo ka mid ah Culimada Soomaalida ee sanadkaan ka qeyb qaadanayay shirsanadadeedkii 8aad ee jaaliyada Soomaalida Koondur Afrika.
Dadweyne farabadan oo ka kala yimid magaalada Pretoria iyo deegaanada u dhow dhow ayaa soo buux dhaafiyay masaajidka Bukhaari kuwaa oo doonayay in ay ka faa’iideystaan Kalmadaha wacyigalinta iyo dardaaranka isugu jira oo Sheikha u waday bulshada Soomaaliyeed.
Sheikh Maxamed Cabdi Umal oo halkaasi kalmado uu ka jeediyay waxaa uu aad xogga ugu saaray dardaan wanaagsan oo aad u anfacaya bulshada Soomaaliyeed waxaana uu si gaar ah ugu hadlay dhibaatooyinka ay leedahay qabyaalada iyo qurunkeeda,waxaa sido kale sheikh uu soo hadal qaaday dhobaatooyinkii laga dhaxlay bururkii dagaaladii sokeeye ay u geysteen bulshada Soomaaliyeed iyo dowlad la’aantii soo martay dalkeena Hooyo ee Soomaaliyeed.
Sheikh oo bulshada la dardaaramayay ayaa soo hadal qaaday qiimaha ay leedahay marka ay bulshada isugu timaado ka shaqeynta danta guud wax waliba oo ay noqoto sida dib u dhiska dalka waxaana uu soo qaatay aayado iyo Axaadiith looga hadlayay Arintaasi,
Sheikh ayaa hadalkiisa kusoo gaba gabeeyay Faa’iida ay leedahay midnimada iyo isku xerka bulshada waxaana uu ku baaqay in arintaasi ay bulshada Soomaaliyeed meel adag ka istaagto .
Ugu Dambeyn waxaa hadal kooban halkaasi ka jediyay safiirka dowlada Soomaaliya u fadhiya dalka Koonfur Afrika Jamaal Maxamed Barrow waxaa uu mahad celin balaaran u jeediyay jaaliyada Soomaaliyeed ee ku nool dalka South Africa sida ay xil adag isaga saareen isku xerka midnimada iyo ka shaqeynta diinta Islaamka,waxaa sido kale u mahad celiyay Sheikh Maxamed Cabdi Umal oo safar dheer usoo galay in uu ka qeyb qaato wacyigalinta bulshada Soomaaliyeed ee ku nool dalkaani Koonfur Afrika.
