Agaasimaha Guud ee Hay’adda Socdaalka iyo Jinsiyadda Soomaaliya Col.Mohamed Adam Kofi oo ku guda jira kormeerka Sanadlaha ah ee xafiisyada Hay’adda ayaa gaaray magaalada Dhuusamareeb ee magaalada madaxda Galmudug.
Agaasimaha ayaa kormeer ku sameyay Xafiiska Bixinta Basaboorka iyo garoonka diyaaradaha qeybta socdaalka qaabilsan ee magaalada Dhuusamareeb, waaxana uu agaasimaha kulan uu la qaatay sarakiisha u sheegay in uu mar walba kormeer ku iman doono xafiisyada Hay’adda isla markaana la iskula xisaabtamayo shaqooyinka ay saraakiisha u hayaan Bulshada.
Socdaalkan uu Agaaasimaha Guud ee Hay’adda Socdaalka iyo Jinsiyadaha ku marayo xafiisyada Hay’adda ee basaboorada laga bixiyo iyo xafiisyada Socdaal ee ku yaala Xaduudaha Dalka ayaa ujeedkisa waxa uu yahay kormeer lagu hubinayo habka ay shaqada uga socoto xafiisyada Hay’adda iyo in la dhageysto bulshada ku dhaqan meel kasta oo uu ku yaalo xafiis ka mid Hay’adda Socdaalka iyo Jinsiyadda si loo ogaato cabashadooda iyo talooyinka ay bixinayan.
Agaasimaha Hay’adda Socdaalka iyo Jinsiyada Soomaaliya Col. Maxamed Aadan Koofi ayaa ku dhiira geliyay shaqaalaha Xafiiska Hay’adda Socdaalka iyo Jinsiyadda ee magaalada Dhuusamareeb iney sii laba jibaaraan, islamarkaana si dhib yar ugu adeegaan Bulshada.
