Kulankan oo looga hadlayey wax ka qabashada biye yarida ka jirta magaalada Baydhabo ayaa waxaa si wadajir ah u soo qaban qaabiyey Wasaaradaha Biyaha Dawladda Federaalka iyo tan Koonfur Galbeed oo taagyeero Maaliyadeed ka helaysa Bankiga adduunka.
Waxaana kulanka ka soo qeybgaley Ku-simaha Madahaweynaha Koonfur Galbeed ahna Wasiirka Amniga Gudaha . Wasiir kuxigeenka Wasaarada Biyaha Dawladda Federaalka Soomaaliya, Wasiirka Wasaaradda Biyaha Koonfur Galbeed, Wakiilo kakala socoday Shirkadaha maamula Biyaha magaalada, masuuliyiin ka socoday Bankiga adduunka iyo hay’ada socdaalka adduunka ee IOM
Kulanka oo intiisa badan diiradda lagu saarayey wax kaqabashada biyo yarida ku soo noqnoqotay magaalada Baydhabo sanadahii dambe iyo sidii xal looga heli lahaa ayaa waxaa si toos ah ufuray kusimaha Madahaweynaha Koonfur Galbeed Xasan Xuseen Maxamed Eelaay.
Guddoomiyaha Degmada Baydhabo Mudane Cabdullaahi Cali Watiin iyo Cali Wardheere Cabdiraxamaan Guddoomiyaha Gobolka Baay oo ka mid ahaa ka qeyb galayaasha kulanka oo goobta ka hadley waxa ay umahad naqeen Bankiga Adduunka iyo Dawladda Soomaaliyeed oo iska kaashanaya wax ka qabashada niyo la’aanta magaalada Baydhabo.
Wasiir ku-xigeenka Wasaarada biyaha Xukuumadd Federaalka Soomaaliya Cusmaan Libaax Ibraahim iyo Wasiirka Wasaaradda Biyaha Koonfur Galbeed Aadan Xasan Usaama ayaa sheegay in labada Wasaaradood ay iska kaashanayaan wax ka qabashada biyo la’aanta Baydhabo.
