Munaasabadda xil wareejinta ah waxaa ka qeyb galay masuuliyiinta maamulka gobolka Bakool qaar kamid ah guddoomiyeyaasha degmooyinka gobolka, qeybaha bulshada iyo saraakiil katirsan Ciidanka Xoogga dalka.
Ugu horeyn waxa xafladda ka hadlay taliyihii hore ee xilka wareejiyey Korneel Cabdiraxmaan Maxamed Cismaan Timacade, waxa uuna tilmaamay in sibedelku uu astaan u yahay dowladnimada.
Taliyaha cusub ee Guurada sagaalaad ee qeybta 6o-aad ee ciidanka Xoogga Dalka General l Xasan Isxaaq Cumar Baydhabo ayaa ciidamada kula dar daarmay in ay diyaar u ahaadaan ladagaalanka Cadowga si loo soo celiya xasiloonida iyo karaamada Umadda Soomaaliyeed.
Ugu dambeyn waxa xaflada hadalo kooban ka soo jeediyey Taliyaha howlgalada qeybta Lixdanaad ee Ciidanka Xooga Dalka Soomaaliyeed Gaashaanle sare Cabdiraxmaan Macalin Axmed iyo madaxdii kale ee ka qeyb galay Munaasabadda, waxaana ay ku dar daarmeen in si wadajir ah loo wajaho cadowga Al-shabaab.
