Hodan Axmed Sheekh waa Afar jir waxaana ay mudo laxanuunsan tahay madaxa biyo kaga jira kuwaas oo ku haya dhibaato Caafimaad oo dhankasta ah.
Dhaqaatiirta dalka ayaa u sheegay hooyada dhashay Hodan Axmed in aan dalka gudahiisa waxba looga qaban karin una baahan tahay caafimaad dalka dibadiisa ah oo aysan awoodin.
Bishaaro Maxamuud Cumar oo ah hooyada cunugtan yar ayaa sheegtay in habeenkii oo dhan aysan ka seexan Hodan Axmed xanuunk haaya aawadiis.
Hooyo Bishaaro ayaa ka codsatay dadka Soomaaliyeed ee Allah hantidada siiyey inay gacan u fidiyaan si-gabadheeda yar loogu daaweeyo.
“Waxaan dadka Soomaaliyeed meelkasta oo ay joogaan ka codsanaa in Gabadheyda yarta ah Caafimaad dalka Banaankiisa ah iiga bixiyaan, waxaa dhaqaatiirta Soomaaliyeed ii sheegeen in dalka waxba looga qaban Karin, muhiimna tahay in loo qaado dalka Hinya”
Hodan Axmed ayaa horay waxaa loogu sameeyey qaliin dhanka madaxa ah waxaana qeyb kamida madaxeeda ku jira Tubbo horay loo galiyey balse taas ayaan hada aheyn mid ku filin.
Hodan Axmed waa agoon waxaana gacanta ku haya Hooyadeed Bishaaro Maxamuud taas oo aan awoodin Dhaqaalaha ku baxaya caafimaadka Gabadheeda, waana sababta ay dadka Soomaaliyeed uga codsatay Bulshada Soomaaliyeed inay Garabsiiyaan.
W/D Cali Axmed Sheekh
