Xulka Qaranka dalka Sinigal ayaa isaga haray koobka aduunka kadib markii hal iyo waxba guuldaro ah uu kala kulmay dhigiisa Colombia kulan ka tirsanaa Group-ka H oo labada dal ay ka wada tirsanayeen.
Jaban waxay guuldaro sidoo kale kala kulantay xulka qaranka Poland oo guushii ugu horeyay ee koobka aduunka gaaray kadib markii hal gool uu ugu adkaaday Jaban hase yeeshe waxaa jaban ay ugu gudbeen koobka aduunka nasiib kadib markii meel kasta ay isaga mid ka noqdeen xulka Sinigal hase yeeshe la kala saaray Jaalayasha labada ay qaaten Sinigal waxay qaadatay lix Jaalle halka Jaban uu qaatay afar jaale sidaasi ayaana Jaban uu ugu soo baxay koobka aduunka wallow kaalinka kowaad uu ku soo baxay dalka Colombia.
Jaban iyo Sinigal waxay isaga mid ka noqdeen meel kasta dhanka goolasha ay dhaliyeen kuwa laga dhaliyay iyo dhibcaha ay uruursadeen balse waxaa lagu kala saaray dhanka aqlaaqda sidaasi waxaa ku soo baxday dalka Jaban oo u gudbay wareega 16-ka ee koobka aduunka oo haatan ka socda dalka ruushka.
Dhamaan dalalka afrika u matalayay koobka aduunka oo ay ugu rajo fiicneyd Sinigal galabta ayaa loo jaray tikitka ka laabashada koobka waxaana uu noqday dalka Sinigal dalkii shanaad ee ka socda qarada afrika oo koobka isaga haray ayadoo horey ay u haraan dalalka Morocco Tunisia Masar iyo Nigeria
