Magaalada Gaalkacyo ee Xaruunta Gobalka Mudug ee bartamaha Dalka ayaa xalay Waxaa lagu qabtay munaasabad lagu xusayo maalinta cafiska Soomaaliyeed taasoo qeyb ka ah munaasabado ka dhacay Caasimadda Dalka ee Muqdisho iyo Gobalada Dalka qaarkood.
Munaasabadaan oo ay soo qaban qaabiyeen Madasha dhalinyarada Nabada iyo Isdhegalk Gobalka Mudug ayaa waxaa ka qeyb galay Mas’uuliyiin kala duwan oo ka tirsan Maamulada Galmudug iyo Puntland oo si wadajira u maamulada Xaruunta Gobalka mudug ee Gaalkacyo,Saraakiisha laamaha Amniga Gaalkacyo iyo qeybaha kala duwan ee Bulshada Gaalkacyo.
Goobta ayaa waxaa laga jeediyay khudbado kala duwan oo dhamaantood ku qotoma muhiimada ay leedahay 28 June oo loo asteeyay maalinta cafiska Soomaaliyeed iyadoona Mas’uuliyiintii ka hadlay madasha ay sheegeen in ay tahay maalin ay Xasuusan doonaan bulshada Soomaaliyeed meel kastoo ay ka joogaan Aduunyada.
Intii ay socotay munaasabadaan lagu xusayay maalinta cafiska Soomaaliyeed ee xalay lagu qabtay Caasimada Gobalka Mudug ee Gaalkacyo ayaa lagu soo bandhigay Gabayo, hadalo murti leh oo qeexaya dhibaatada ay leedahay Colaadda iyo xumaatada.
Xirsi Yuusuf Bare Maayarka Magaalada Gaalkacyo ee Dowlad goboleedka Galmudug Gobalada dhexe oo munaasabada hadal ka jeediyay ayaa ku booriyay bulshada Puntland iyo Galmudug in ay is Cafiyaan ayna meel iska dhigaan wax kasta oo lasoo maray.
28 June 2018 ayaa ah maalinta oo asteeyay ama loo aqoonsaday Cafiska Soomaaaliyeed iyadoo munaasabado lagu weynaynaayo ay ka dhaceen Magaalada Muqdisho ee Caasimadda Dalka iyo deegaaanada hoos yimaada Maamulada qeybta ka ah Dowladda dhexe.
