Xulka qaranka Croatia ayaa u gudbay wareega afar dhammaadka koobka aduunka ee sanadkaan ka socda dalka Ruushka waxaana uu Gool ku laad afar iyo sadex uu ugu adkaaday marti geliyaha koobka Russia.
Kulanka oo ahaa mid aad u xiiso badan ayaa waxaa uu qaybtii hore lagu kala nastay 1-1 kadib markii labada dal goosha ay soo taabten min hal jeer, Ruushka oo hogaanka qabtay ayaa waxaa goolka uu ka helay daqiiqadii 31-aad Denis Cheryshev hase yeeshe waxaa barbareeyay Kramic inta aysan saacada ka gudbin sodonka 1-1 ayaana lagu kala tagay.
Qaybtii danbe oo la isku soo laabtay ayaa waxaa lagu kala tagay 1-1 ayadoo labada dal aysan u suurta gelin in goolal kale ay iska dhaliyaan hase yeeshe sodon oo kala bax ah oo lagu daray ayaa waxaa gool ay heleen Croatia Vida oo difaaca danbe ugu ciyaara balse daqiiqadihii ugu danbeyay ee sodonka ayaa waxaa barbareyay Mario Fernandez oo sidoo kale Ruushka ugu ciyaarayay difaaca danbe sidaasi waxaa lagu kala tagay 120 daqiiqo oo ay labada dal ciyaaren waxaana loo dhigay Rigorayaal si loo kala saaro 4-3 waxaa lagu qaarijiyay Ruushka oo tageeraha inta ugu badan garoonka lahaa maadama uu yahay marti geliyaha koobka aduunka ayadoo sanadkaan dhamaan kulamada la ciyaaray ee rigorayaalka ku dhamaaday laga adkaaday dhammaan dalalkii bilaabay Tuurasha rigooroyinka.
Croatia ayaa noqday dalkii ugu horeyay ee laba kulan oo kala bax misna is xiga ku adkaada tan iyo sanadkii 1990-kii ayadoo sidoo kale dalka tan iyo sanadkaasi wixii ka danbeyay kulamada sideed dhammaadka koobka aduunka aysan dhicin in dhamaan kulamada la ciyaarayo ay dhammaadan 90-ka daqiiqo ee loogu tala galay waana markii ugu horeysay oo Croatia ay soo gaarto wareega afar dhamaadka ama semi finaal-ka Koobka aduunka 20-sano kadib waxaana maanta oo kale ay ahayd maalintii Croatia ay u gudubtay wareega afarta koobkii dunida ee 1998-dii lagu qabtay dalka Faransiiska xiligaasi oo 3-0 ay ugu adkaaden Jarmalka waxaana ay ahayd xiligaasi sanadkii ugu horeysay oo ay koobka aduunka ka qayb galaan, Brazil ayaa ka adkaatay afar dhammaadka Koobka inkastoo kaalinta sadexaad ay ku dhameysteen balse 20-kadib ayeey soo gaaren halkii ay gaaren 20-sano ka hor Maanta oo kale dalka Croatia
1998-dii Koobkii dunida ee lagu qabtay dalka Faransiiska ayaa dalka Croatia waxaa uu ahaa mid soo gaaray afarta ugu danbeysa ee ciyaarta kulamada loo yaqaan Semi Final-ka xidigihii ugu wanaagsanaa ee dalkaasi u soo baxa ayaana u ciyaraayay Croatia kuwaasi oo laga Xusi karo Simic Bilic Boban iyo wiilkii ku guuleystay gool dhalinta tartanka sanadkaasi Davor Sukar oo weerarka ugu ciyaarayay, haatan 2018 ayuu dalka Croatia helay xidigo u dhigmo kuwii 98-kii waxaana uu soo gaaray halkii ay gaaren wiilashii dahabiga ahaa ee dalkaasi soo maray xiligaasi maanta oo kale 20-sano ka hor balse haatan ayuu dalka Furtay baal cusub oo tariikhi ah waxaana lagu xusi doono baalkaasi Rakitic, Modric, Perisic, Kramic, Rebic, iyo Goolhaye Subasic, waxaana Semi Finaal-ka koobka ay la ciyaari doonan xulka Ingiriiska maalinta Talaadada.
Dalka Ruushka oo koobka marti geliye ka ahaa ayeeysan u suurta gelin in uu gaaro wareega afarta ayadoo dalka South Afrika iyo dalka Mareykanka uu la mid noqday kuwaasi oo koobka marti geliyay balse aanan gaarin wareega afar dhamaadka, Shantii koob ee ugu danbeysay oo koobka marti geliyay ee gaaray afar dhammaadka tartanka ayaa ahaa dalka Italy oo marti gelisay 1990-kii France 1998, South Korea 2002, Germany 2006, iyo Brazil oo marti gelisay 2014, 1994-kii Mareykanka oo marti geliyay iyo South Afrika oo marti gelisay 2010 waxay ku guuldareysteen in ay gaaran wareega afar dhamaadka tartanka waxaana caawa la mid noqday dalka Ruushka.
Croatia waa markii ugu horeysay uu ka adkaado kulan koobka aduunka ah dal koobka marti gelinaya sadex kulan uu la ciyaaray dalalka koobka aduunka marti geliya, 1998-dii waxay ahayd markii ugu horeysay oo Croatia ay ka qayb qaadato koobka aduunka waxaa ka adkaaday dalka Faransiiska, 2014 waxay ahayd markii xigtay oo ay soo gaaran koobka aduunka waxaa ka adkaaday dalka Brazil oo koobka marti gelinayay afar sano ka hor haatan 2018 ayeey ka adkaaden koobka aduunka dalka Ruushka oo marti gelinayay koobka waana markii ugu horeysay oo sidaasi ay dhacdo.
Croatia ayaa dalka labaad ee goolasha ugu badan ka helay ciyaartoy kala duwan sided Ciyaaryahan ayaa shabaqa soo taabtay kaliya dalka Belgium ayaa ah dalka ka badan oo sagaal ciyarayahan goolal ka helay.
Ruushka iyo Croatia afarta gool oo ay iska dhaliyeen sadex ka mid ah waxay ahayeen Madax waana markii ugu horeysay oo sidaasi ay dhacdo kulan ka tirsan koobka aduunka oo laga dhaliya ilaa sadex madax oo goolal ah tan iyo 2002 kolkaasi oo Jarmalka Shan Madax uu ka dhaliyay dalka Sacuudiga oo Sideed iyo waxba uu ugu adkaaday.
