Maamulka Magaalada Baledweyn ee Gobolka Hiiraan ayaa Olole nadaafadeed maanta ka sameeyey Magaalada Baledweyn ee xarunta Gobolka Hiiraan.
Ololohan nadaafaeed oo looga hortagyo cuduro laga cabsi qabo in ay ka dhashaan naadaafad xumadda ayaa waxaa laga wadaa qeybo kamid ah Magaalada Beledweyne ee Xarunta Goblka Hiiraan iyada oo maamulku uu shacabka Magaaladda ku dhiiragaalinayo howlaha nadaafadda.
Guddomiyaha Magaalada Beledweyne ee Gobalka Hiiraan Cali Abdulqaadir Faarax oo la hadlay Warbaahinta Qaranka Soomaaliya ayaa sheegay in maamulku uu bilaabay Howalahan nadaafadeed oo looga qaadayo waxyaabaha qashinka ah oo keeni kara Cudurada sida; shubanka iyo Duumada.
Gudoomiyaha ayaa tilmaamay in iyaga oo kaashanaya shacabka ku dhaqan Magaaladda ay ku dadaaleen sidii ay dib ugu soo celin lahayeen bilacada Magaaladda.
“Maanta waxaan magaalada baledweyn ka sameynay olole nadaafadeed kaasoo magaalada aan uga nadiifineynay qashinka iyo wasaqda, si magaalada aan bilicdeeda usoo celino” ayuu yiri: Gudoomiye Cali Cabdulqadir.
Magaalada Beledweyne ayaa waxa ay ka mid-tahay meelaha uu kufatahay Wabiga Shabeelle iyada oo horaantii Bishan dadkii horay uga barakacay fatahaada wabiga ay dib ugu soo laabteen Magaalada.
Maamulka Magaaladda Beladweyne ayaa mudooyinkan waday hawlo bilic soo celin ah taasoo uu kala kaashaneyey dadka deegaanka.
