Kulankan oo ahaa Aqoon isweydaarsi Caasimadda Mqudisho ka socday muddo shan mamalmood ah, islamarkaana looga hadlayay joojinta Gudniinka Fircooniga ah ayaa ka qeybgalayaasha oo ka kala socday qaar ka mid ah Wasaaradaha Dowladda Fedraalka ah, Culimaaโudiinka, Warbaahinta iyo Dwolad Goboleedyadaย waxa ay isku raaceen arrimo ay kamid yihiin in Warbaahinta iyo Culimadu kor uqaadaan wacyigelinta ka dhanka Tacadiyada Gudniininka iyo in Dowladda Fedraalka iyo Dowlad Goboleedyada talaabo ka qaadaan kuwa sameeya Gudniinka Fircooniga, iyadoo la soo saarayo sharciyo arrintaasi lagu xakameynayo .
Related posts
Xiritaanka shirkan ayaa waxaa goobjoog ka ahaa Mas’uuliyiin ka tirsan Dowladda oo ay kamid yihiin Raiisul Wasaare ku xigeenka dalka, Xeer ilaaliyaha guud ee Qaranka, Xildhibaanno ka tirsan Baarlamanka Federaalka ah iyo Mas’uuliyiin ka socotay Wasaaradda Awqaafta iyo Diinta Soomaliya.
Xeer ilaaliyaha Guud ee Qaranka Axmed Cali Daahir ayaa kulanka ka sheegay in Xafiiskiisu gal dacwadeed u furay kiiska gabar 10-jir ah oo dhawaan Gobolka Galgaduud ugu geeriyootay dhaawac ka soo gaaray Gudniin lagu sameeyay, wuxuuna sheegay in baaritaanka iyo dacwada kiiskan ay hormuud ka yihiin Laanta dambi baarista Soomaaliya iyo Booliska ka howlagala Galmudug, markii ay howshaas soo dhamaatana loo gudbin doono maxkamad.
Ifraax Axmed oo ah Agaasimaha Hayโadda Ifraax Foundation oo soo qaban qaabisay kulankan ayaa codsatay in lagu garab galo hay’adeeda ololahan lagu joojinayo Tacadiyada dhinaca Gudniinka ah.
“Hadii aan helno tagaeeradiina waxaan ka shaqeyn karnaa badbaadinta gabdheheena maalin walba u dhimanaya gudniinka, sidaa sarteed waa inaan loo kala harin Culimo, Warbaahin iyo dowladba joojinta gudniinkan” ayay tiri Ifaarx Axmed.
Xildhibaan Cabdifitaax Qaasim Maxamed oo ka tirsan Golaha Shacabka Baarlamanka Federaalka ah ayaa xusay inay lagama maarmaan tahay sameynta sharciyo adag oo lagu wajahayo Gudniinka Fircooniga ah, wuxuuna balan qaaday inuu ka qeyb qaadanayo meelmarinta sharciyadaas.
Ra’iisul Wasaare ku-xigeenka Xukuumadda Soomaaliya Mahdi Maxamed Guuleed oo ugu dambeyntii ka hadlay kulanka ayaa sheegay in Dowladda Federaalka aysan raali ka aheyn Gudniinka Fircooniga ah, uuna tacadi ku yahay gabdhaha, isagoo sheegay in wax ka qabashada arrintaasina Xukuumaddu ay xooga saareyso.
Soomaaliya ayaa la sheegaa inay ka mid tahay dalalka gudniinka Fircooniga ah uu weli kajiro inkastoo dadaalo iyo wacyigalin arrintaasi ka dhan ah wadaan Dowladda Soomaaliya, Culimaa’udiinka iyo Hay’ado u ololeeyo joojinta tacadiyada gudniinka.
