Waa sii xoogaysanaya Abaabulka ay samaynayaan dadka ku nool deegaano ka tirsan Gobalka Shabeellaha Dhexe, kaas oo ay kula dagaalamayaan Maleeshiyaadka Argagixisada ah ee Al-Shabaab.
Mid ka mid ah Kooxdaan is abaabushay ee shacabka ah oo waraysi gaar ah siiyay Radio Muqdisho ayaa sheegay in haatan danta ay ku qasabtay dadka ku nool deegaanada qaar ee Gobalka Shabeellaha Dhexe inay Hubka wada qaataan ka dib Markii Argagixisada Al-Shabaab ay sii kordhiyeen Baada iyo Boobka ay ku haayaan shacabka.
Wararka ka imaanaya Degmada Aadan Yabaal iyo deegaano kale oo ka tirsan Gobalka ayaa sheegaya in Maleeshiyadaan ay bilaabeen inay ka baxsadaan deegaanada qaar, ka dib dagaalada tooska ah ee ay kala horyimaadeen dadka shacabka ah.
Maleeshiyaadka Argagixisada ah ee Al-Shabaab oo ka been sheegaya Diinta islaamka ayaa waxaa caado u ah daadinta Dhiiga Muslimiinta iyo Boobka dadka shacabka ah.
