Shirkan oo socday laba-maalmood waxa Wasaaradda Arrimaha Gudaha Federaalka iyo dib-u-heshiisiinta Soomaaliya ay la tashi kala sameynaysa Maamulka iyo qeybaha bulshada gobolka Banaadir diyaarinta hannaanka dib u heshiisiinta Qaranka.
Related posts
Shirka qeybtiisa koowaad oo shalay dhacay waxa Wasaaraddu ay la kulantay Wakiilo ka socday hey’adaha dowliga ah ee gobolka Banaadir, halka maanta Wasaaraddu ay la kulantay ururada bulshada rayidka ee gobolka Banaadir
Xoghayaha Joogtada ah ee Wasaaradda arrimaha Gudaha, Federaalka iyo dib-u-heshiisinta Soomaaliya Cabdullaahi Maxamuud Xasan Azhari waxa uu sheegay in la tashiyadaan oo Wasaaraddu ay ka biloowday gobolka Banaadir la gaarsiin doono gobolada dalka.
Agaasimahaha Guud ee Amniga iyo siyaasadda ee gobolka banaadir Cabdifataax Cali Xasan oo ka hadlay kulanka ayaa waxa uu soo dhaweeyay la tashiyada Wasaaradda Arrimaha gudaha la sameynayso bulshada qeybaheeda kala duwan.
Wasiir ku-xigeenka Arrimaha Gudaha, Federaalka iyo Dib-u-heshiisiinta dowladda Federaalka Soomaaliya Mudane Isaaq Maxamed Maxamuud ayaaย tilmaamay in Wasaaraddu ay diirada saarayso sidii loo heli lahaa aragtida bulshada Soomaaliyeed oo muhiim u ah diyaarinta Hannaanka Qara ee dib u heshiisiinta.
