Wararka ka imaanaya Gobalka Hiiraan ayaa sheegaya in Duqayn ka dhacday deegaanka Ceel-Dheer oo ku dhowaad 60-KM kaga beegan dhinaca koofur galbeed magaalada Baladweyne lagu dilay Horjoogayaal ka tirsan Argagixisada Al-Shabaab.
Dadka deegaanka qaar ka mid ah oo la hadlay Radio Muqdisho ayaa sheegay in duqaynta xalay fiidkii hore lala beegsaday xarun maleeshiyaadkaan ay ku leeyihiin deegaanka Ceel-Dheer.
Dhanka kale wariyaha Warbaahinta Qaranka ee Gobalka Hiiraan ayaa soo sheeaya in maalmahaan qaar ka mid ah horjoogayaasha Al-Shabaab ay kulan ku lahaayeen deegaankaas, wararka qaar ayaana sheegaya in duqayntaan lagu laayay horjoogayaal iyo maleeshiyaad badan.
Deegaankaan Ceel-Dheer ayaa ah halka Al-Shabaab ay gaystaan xoolaha ay ka dhacaan dadka shacabka ah ee ku nool gobalka Hiiraan ee Bartamaha Soomaaliya.
