Guddoomiyaha golaha shacabka Mudane Maxamed Mursal Sheekh Cabdiraxmaan ayaa shir guddoomiyay kulanka 22-aad ee kalfadhiga 4-aad ee golaha shacabka BJFS.
Related posts
Kulanka oo ay goobjoog ahaayeen 139 Xildhibaan ayaa Guddiga Xuquuqul Insaanka ee golaha shacabka waxa ay ku soo bandhigeen Warbixinta akhrinta labaad Hindise sharciyeedka hay’adda Naafada Qaranka Soomaaliya iyo sidoo kale meelaha ay wax ka bedelka ku sameeyeen, iyadoo Xildhibaannada Golaha Shacabka ka codsatay in Hindise sharciyeedkan si deg deg ah u ansixiyaan maadaamaa uu muhiim yahay
Guddoomiyaha guddiga Xuquuqul Insaanka ee Golaha Shacabka Xildhibaan Xaawa Yuusuf Axmed ayaa mudanayaasha ka codsaday inay meel mariyeen sharcigan.
Guddoomiyaha Golaha shAcabka Mudane Maxamed Mursal Sheekh Cabdiraxmaan oo kulanka shir guddoominayay ayaa qaar ka mid ah Xildhibaanada Golaha waxa ayย soo bandhigeen talooyinkooda ku saabsan Hidise sharciyeedkan iyo meelaha wax ka badalka u baahan.
Guddoomiyaha golaha shacabka Mudane Maxamed Mursal Sheekh Cabdiraxmaan oo kulanka soo xiray ayaa sheegay in hay’addan ay tahay mid muhiim ah, loona baahan yahay in talooyin badan Xildhibaanada ku daraan dhismaheeda.
“Waxaa soo jeedinaya in Guddiga aan kala shaqeyno sidii Hindise Sharciyeedkan muhiimka ah loo dardar gelin lahaa, hay’addaan horay way u jiri jirtay, Hanti Qaran iyo Xuquuq ayay lahayd sidaasi darteed waa in talooyinkeena aan ku biirinaa oo fikir badan aan isweydaarsanaa si hay’adda u noqoto mid gudaha iyo dibadda ka shaqeyn karto”.ayuu yiri Guddoomiye Mursal.
