Malleeshiyaadka argagixisada Al-Shabaab ayaa Laba Nin iyo Gaari Caasi Caasi (Mini Bus) ah oo ay wateen waxay ka Af-duubteen degaanka Burujeed oo 50 KM dhanka Koofur Galbeed kaga beegan Magaalada Dhuusa-mareeb ee Caasimadda Gobolka Galgaduud.
Dadka degaanka ayaa Warbaahinta Qaranka u sheegay in ay Kooxda Al-Shabaab Raggan ula dhaqaaqeen dhinaca Degmada Ceel-buur, halka ay Tobaneeyo Qof oo kalana ay ka baxsadeen Gacanta Argagixisada.
Kooxda argagixisada Al-Shabaab ayaa dhibaato xooggan ku haysa Dadka ku nool degaannada Galmudug, iyagoo Shacabka ku haya dhac, dilal arxan darra ah,Af-duub iyo Caga jugleyn xad dhaaf ah.
Malleeshiyada Al-Shabaab ayaa Sanadkii tegey waxay degaanno ka tirsan Galgaduud ka kaxaysteen ku dhowaad 70 Qof oo isugu jirta Odayaasha iyo wax garadka degaanka iyagoo ka qaatay Madax furasho.
By: Maxamed Cabdi Maxamed.
