Kulan aqoon isweydaarsi ah oo u dhaxeeyay Golaha shacabka iyo Golaha wakiiladda Dowlad Goboleedka Puntland, ayaa maanta si rasmi ah uga furmay magaalada Muqdisho, waxaana furay Guddoomiye ku xigeenka labaad ee Golaha shacabka JFS Mudane Mahad Cabdalla Cawad.
Ujeedka Aqoon isweydaarsiga ayaa waxa uu ahaa isku xirka labada gudi joogto ee Golaha shacabka iyo golaha wakiiladda ee Dowlad Goboleedka Puntland iyo wada shaqeynta gudiyada isku shaqada ah ee labada dhinac.
Aqoon is weydaarsigan u dhaxeeya Golaha Shacabka iyo Golaha wakiiladda ee Dowlad Goboleedka Puntland, waxaa maal gelinaya Mashruuca Gole-kaab oo ka shaqeeya tayo kordhinta hay’adaha xeer dejinta Soomaaliya.
Mudane Cabdikariin Xaaji Cabdi Buux oo ah Xoghayaha guud ee Golaha Shacabka ayaa Warbaahinta Qaranka u faah faahiyay aqoon is weydaarsigan, wuxuuna sheegay inuu socon doono mudo 4 maalmood ah.
