Guddoomiye ku xigeenka Cusub ee Maamulka & Maaliyada Gobolka Banaadir Mudane Ibraahim Cumar Mahad Alle (Ibraahim Dheere) ayaa shaqadiisa si rasmi ah u bilaabay, isagoo xilka kala wareegay Guddoomiyihii hore Mudane Xuseen Maxamed Nuur.
Ugu Horeeyn Guddoomiyaha cusub ayaa kulamo is barasho ah la yeeshay Madaxda maamulka Gobolka, Agasimayaasha Maamulka Gobolka Banaadir iyo Ganacsatada Gobolka Banaadir.
Mudane Ibraahim Cumar Mahad Alle (Ibraahim Dheere) ayaa sanadkii 1978 ku dhashay magaalada Baladweyne ee Xarunta Gobolka Hiiraan, Waxaana uu bartay maamulka Ganacsiga.
Madaxweynaha Soomaaliya ,Maxamed Cabdullaahi Farmaajo ayaa 23ka May, 2019 wareegto Madaxweyne ugu magacaabay Ibraahim Cumar Mahad Alle (Ibraahim Dheere) inuu noqdo Guddoomiye ku-xigeenka Maamulka Maaliyadda ee Gobolka Banaadir.
