| Gudoomiye ku xigeenka maaliyada iyo siyaasada Gobolka Hiiraan Xasan Ibraahim Cabdulle oo manta shir jaraa’id ku qabtay magaalada Beledweyne ee gobolka Hiiraan ayuu kaga hadlay arrimo dhowr ah oo quseeya arimaha Maamulka Maaliyada gobolka iyo isbadalada ku yimid mudadii uu haayay xilka.
Gudoomiyaha ayaa Sheegey in dhaqaalaha ka yimaada canshuuraha ee laga soo aruuriyo labada gobol ee Hiiraan iyo shabeellaha dhaxe la mideeyay isla markaana ay ku dhici doonto qasnada guud ee maaliyada maamulka Hirshabeelle, taa oo dib loogu celin doono bulshada degan goboladaasi gaar ahaan adeegyada Cafimaadka, Waxbarashada Iyo dib u dhiska Waddooyinka. Xasan Ibraahim Cabdulle gudoomiye ku xigeenka Maamulka iyo maaliyada ayaa sheegay in ka maamul ahaan ay qorsheynayaan in ay soo celiyaan isticmaalka lacagtii Shilling Soomaaliga aheyd oo Muddooyinkii dambe ay dhibaato weyn ku qabeen bulshada gobolka Hiiraan, kadib markii ganacsatada ay diideen in ay qaataan lacagahaasi. Ugu dambeyntii waxaa uu bulshada gobolka Hiiraan ugu baaqay in ay la shaqeeyaan laamaha amniga iyo ciidamada ilaalada canshuuraha isla markaana ay garab istaagaan maamulka gobolka heer dagmo iyo heer gobol si loo gaaro horumar iyo nabadgalyo. |
Taliyaha CB Soomaaliyeed oo guddoomiyay kulanka toddobaadlaha ah ee amniga Caasimadda
Taliyaha Ciidanka Booliska Soomaaliyeed, Sareeye Guuto Asad Cismaan Cabdullaahi, ayaa guddoomiyay kulanka toddobaadlaha ah ee amniga Caasimadda, kaasoo ay ka...
