Masjidka Faqrudiin oo ka mid ah masaajida ugu taariikhda dheer dalka ayaa waxaa la dhisay 7 qarni ka hor wuxuuna ku yaalaa degmada Shingaani ee Gobolka Banaadir.
Masjidkaan ayaa waxaa ka muuqda burbur ballaaran iyadoo aan dib loo dayactirin kadib dagaaladii sokeeye ee dalka ka dhacay.
Related posts
Bulshada ku dhaqan degmada Shingaani iyo masuuliyiin ka tirsan Wasaaradda Awqaafta iyo arrimaha diinta Xukuumadda Federaalka Soomaaliya oo kormeer ku tegay Masjidka ayaa ku baaqay in dib u dhis lagu sameeyo masjidkaan oo ka mid ah goobaha taariikhiga ah ee dalkeenna.
Sheekh Shaafici Sheekh Maxamed oo ka mid ahaa maamulki hore ee Masjidka iyo Sheekh Cali Sheekh Maxamuud (Sheekh Cali dheere) oo ah Agaasimaha Waaxda diinta ee Wasaaradda Awqaafta ayaa sheegay in Masjidkaan uu kamid yahay goobaha taariikhiga ah ee Cibaadada,iyagoo Ummadda Soomaaliyeed iyo dowladda ugu baaqay in laga qeyb qaato dhismihiisa.
Wasiir ku xigeenka Wasaaradda Awqaafta iyo arrimaha diinta Xukuumadda Federaalka Soomaaliya mudane, Cismaan Aadan Dhuubow ayaa sheegay in Wasaaradu xoogga ay saareyso dib usoo celinta masaajida taariikhiga ah ee dalka,isagoo bulshada Soomaaliyeed ku booriyay ka qeyb qaadashada kheyrka.
